«Алаш – ұлтты оятқан рухты сөз» жиыны өтеді

27 қараша күні, сағат 15.00-де С.Торайғыров атындағы облыстық кітапханада қазақтан шыққан тұңғыш академик, геолог-ғалым Қаныш Имантайұлы Сәтбаевтың 125 жылдық мерейтойы аясында өтетін «Алаш – ұлтты оятқан рухты сөз» атты іс-шара өтеді.

Жиынды «Ақ жол» Демократиялық партиясының Павлодар облыстық филиалы мен Алаш бағытындағы «Қыр баласы» қоғамдық қорының «Кереку» өкілдігі ұйымдастырады.

Іс-шара аясында «Қыр баласы» ҚҚ-ның кітаптары таныстырылып, соңғы шыққан 9 кітабының тұсаукесері өтеді:

1. «Қаныш Сәтбаев феномені»;
2. «Иман-Ислам» – Нұғыман Манайдың өмірі мен шығармашылығы – «Алаш кітапханасы» сериясы;
3. «Ғазымбек Бірімжан» – өмірі мен шығармашылығы – «Алаш кітапханасы» сериясы;
4. «Жетісудағы алаш тарихы» – Жаркент іздері;
5. Ахмет Байтұрсынұлының нақыл сөздері – «Ұлтты оятқан ұлы сөз» сериясы;
6. Міржақып Дулатұлының нақыл сөздері – «Ұлтты оятқан ұлы сөз» сериясы;
7. Халел Досмұхамедұлының нақыл сөздері – «Ұлтты оятқан ұлы сөз» сериясы;
8. Мұстафа Шоқайдың нақыл сөздері – «Ұлтты оятқан ұлы сөз» сериясы;
9. Әлихан Бөкейханның нақыл сөздері – «Ұлтты оятқан ұлы сөз» сериясы;

Іс-шараға «Қыр баласы» ҚҚ-ның президенті Жанболат Абайхан және өңірлік зиялы қауым өкілдері қатысады.