БАЙҚАУ! БАЙҚАУ! БАЙҚАУ!
Қадірлі әдебиет сүйер қауым, құрметті әріптестер!
Баянауыл аудандық әкімдігінің қолдауымен және облыстық тарихи-танымдық, әдеби-көркем «Ақбеттау» журналының ұйымдастыруымен қуғын-сүргін құрбаны жазушы, сатирик, аудармашы, сазгер Қадыр Баспақұлы Тайшықовтың 125 жылдығына орай облыс қаламгерлерінің арасында сатиралық әңгімелерден байқау өтпек.
Байқаудың мақсаты:
1. Бүгінде ел жадынан өшіп бара жатқан қаламгердің есімін қайтадан жаңғыртып, шығармашылық кеңістігін (жазушылығын, ақындығын, аудармашылығын, сазгерлігін) бүгінгі ұрпаққа танымал ету;
2. Сатира жанрында қалам тартып жүрген жергілікті қаламгерлерді рухани тұрғыдан қолдап, шығармашылығын насихаттау;
3. Мемлекеттік тілдің дәргейін көтеріп, жас буынның ана тілі мен ұлттық мәдениетке деген қызығушылығын ояту;
4. Аймақтық әдебиеттің, оның ішінде кенжелеу қалып жүрген сатира жанрының деңгейін көтеру.
Байқаудың ережесі:
1. Облыс аумағында тұратын барлық қаламгерлер қатыса алады;
2. Қатысушылардың жас мөлшеріне шектеу қойылмайды;
3. Жолданған әңгімелер 14 кегльмен теріліп, аралық (интервалы 1,5), көлемі 4-5 беттен аспауы керек;
4. Қатысушылар бұрын жарияланбаған, кәсіби деңгейда жазылған екі әңгіме ұсына алады;
5. Мемлекеттік жүйені келекелеп немесе жеке адамдардың абыройына нұқсан келтіретін мәдениеті төмен, әдеби деңгейі талапқа сай келмейтін шығармалар қабылданбайды;
6. Байқауғы келіп түскен шығармаларға арнайы құрылған қазылар алқасы баға береді;
7. Жолданған шығармалар байқау жарияланған күннен бастап, 2025 жылдың шілде айының бірінші жұлдызына дейін қабылданады;
8. Жеңімпаз болған авторлар тамыз айындағы марапаттауға арнайы шақырылып, Баянауыл аудандық әкімдігі және «Ақбеттау» журналы тағайындаған қаржылай сыйлықтармен, дипломдармен марапатталады.
Байқаудың жүлде қоры:
I орын (біреу) – 350 мың теңге;
II орын (біреу) – 250 мың теңге;
III орын (үшеу) – 100 мың теңгеден;
«Ақбеттау» журналының арнайы жүлдесі – 100 мың теңге.
Байқауға қатысатын шығармалар мына электорнды поштаға жіберілуі керек: skif_kaz@mail.ru7
Ұйымдастыру комитеті
