«Aiqara.kz» ақпараттық агенттігінің әдеби редакторы, ақын, Қазақстан Жазушылар одағының мүшесі Еламан Қабділәшімнің Республика күнімен құттықтау-жырын қабыл алыңыз, қадірлі оқырман!
Республикам – айбарым
Республикам бұл менің, айбыны – аспан!
Жарастықпен жаһаннан байлығы асқан.
Маңдайымды сипаған далам лебі –
Бабам жазған еркіндік жайлы дастан.
Республикам – айбарым, өр беделім,
Айшықтаған адалдық төр бедерін.
Жермен бірге, егемен елмен бірге,
Толқынында уақыттың тербелемін.
Азаттық деп шолады қыран көктен,
Қадірлеймін бірлікті тұмар деп мен.
«Адамзаттың баласын бауыр тұтып»
Абай ойы қазақты құнарлы еткен…
Отан деген – бәрінен биік өлшем,
Сүйіп өссем бауырыңда, сүйіп өнсем…
Елжіреген жүрегім – Республикам,
Желбіреген байрағым – биік еңсем.
Посмотреть эту публикацию в Instagram
