Павлодар қаласы күзде өтетін Көшпенділер ойындарына қатысу мүмкіндігі үшін күресетін Қазақстанның үздік шабандоздарын қарсы алады.
Алдағы сенбі, 2024 жылғы 3 тамызда сағат 15:00-де Павлодар ипподромында бәйгеден Қазақстан Республикасының чемпионаты өтеді. Сонымен қатар, бұл дода бәйге түрлерінен Дүниежүзілік көшпенділер Ойындарына іріктеудің І кезеңі болып саналады.
Еліміздің үздік шабандоздары бәйгенің төрт түрі: құнан бәйге, топ бәйге, аламан бәйге және жорға жарыс бойынша күреседі.
Жалпы жүлде қоры – 24 900 000 теңге.
Сондай-ақ, чемпионаттың бас серіктесі көрермендер үшін жалпы сомасы үш миллион теңгені құрайтын жүлделер ұтыс ойынын өткізеді.
