Павлодар облысы Ақсу қаласының мәдениет және тілдерді дамыту бөлімі және Ақсу қаласының орталықтандырылған кітапханасы «Ұлттық кітап күніне» орай кітап оқу бәйгесін жариялайды.
Бәйгенің мақсаты мен міндеттері:
– Қоғамда мемлекеттік тілді дәріптеу және оның қолдану аясын кеңейтуге ықпал ету арқылы тіл саясатының негізгі басымдықтарын жүзеге асыру;
– Қоғамда кітап оқу мәдениетін дамыту және оқырман белсенділігін арттыру арқылы рухани-мәдени әлеуетті нығайту;
– Қазақ әдебиетінің классикалық және заманауи үлгілерін насихаттау арқылы ұлттық әдеби мұраны сақтау және келер ұрпаққа жеткізу;
– Қазақстанның көрнекті қаламгері Мұхтар Мағауиннің шығармашылығын кеңінен таныстыру, оның әдеби мұрасын терең меңгеруге жағдай жасау;
– Жастар мен ересек буын өкілдерінің кітапқа деген қызығушылығын арттыру арқылы зияткерлік әлеуетті дамыту және қоғамда оқу дағдысын қалыптастыру.
Бәйгенің мерзімі мен өткізілу форматы:
– Қатысушылар Мұхтар Мағауиннің «Көкбалақ» және «Шақан Шері» романдарын оқуы тиіс.
– Шешуші кезеңде екі бағыт бойынша тапсырмалар беріледі: «Көкбалақ» романы бойынша жазбаша тест тапсырмалары; «Шақан Шері» романы бойынша ауызша билет сұрақтары;
Қатысушылар барлық жол жүру шығындарын өздері көтереді;
Қазылар алқасының шешімі қайта қаралмайды.
Қатысу талаптары:
– Бәйгеге 16 жастан жоғары үміткерлер қатыса алады;
– Қатысу үшін алдын ала өтінімді 14 мамырға дейін беру қажет;
Өтінімде келесі мәліметтер толық көрсетілуі керек:
– Аты-жөні;
– Туған күні, айы, жылы;
– Жұмыс немесе оқу орны, лауазымы (қажетіне қарай);
– Байланыс нөмірі.
(Өтінім тапсырғаннан кейін көрсетілген байланыс нөміріне хабарласып, өтінімнің қабылданған-қабылданбағанын нақтылау қажет).
Бәйгенің шешуші кезеңі 19 мамыр күні өтеді.
Байқау жеңімпазына Бас жүлде — Мұхтар Мағауиннің 26 томдық толық шығармалар жинағы табысталады. Бұл – ұлттық әдебиеттің алтын қорына енген, аса құнды жинақ болып табылады.
Байланыс ақпараты:
Қосымша ақпарат пен өтінім қабылдау:
* Ақсу қаласы орталықтандырылған кітапханасы
* Телефон: 8 718 37 50059, 50628, 87054078894
* Электронды пошта: cb.aksu@mail.ru
