Құрметті Павлодар облысының тұрғындары! Қымбатты жерлестер! Бүгін еліміз тағдырлы саяси кезеңнің табалдырығында тұр. 15 наурыз күні республикалық референдум өтеді. Бұл – халқымыздың ортақ тарихында ерекше орын алатын маңызды оқиға болмақ. Павлодар облысының барша тұрғындарын осы республикалық референдумға белсенді қатысуға шақырамын! Әрқайсыңыздың дауыстарыңыз – жай ғана азаматтық ұстаным емес. Бұл – еліміздің ертеңіне, балаларымыз бен келер ұрпақтың болашағына қосқан маңызды үлес.
