Күнтізбенің жаңа парағы аударылып, табалдырықтан аттаған екінші мыңжылдықтың жиырма бесінші жылы Егемен еліміз үшін маңызды іс-шараларға толы болмақ.
Биыл – әйгілі күйші Нұрғиса Тілендиевтің туғанына 100 жыл. 2023 жылы Әзірбайжан Республикасының Шуша қаласында ТҮРКСОЙ-дың Тұрақты кеңесінің 40-шы отырысының қорытындысында әзірленген Шуша декларациясы бойынша, 2025 жыл – ТҮРКСОЙ ұйымының шешімімен Нұрғиса Тілендиевтің жылы болып жарияланды. Сондай-ақ 2025 жылға Қазақстанның Ақтау қаласы – Түркі әлемінің Мәдени астанасы болып бекітілген еді.
Сондай-ақ, Ұлы Жеңістің 80 жылдығы да еліміз үшін маңызды оқиғалардың бірі болмақ.
Павлодар облысы үшін де бұл жыл – мерейтойлы жыл. Биыл:
Әнші-сазгер, ақын Жаяу Мұса Байжанұлының 190 жылдығы (1835-1929);
Халық әншісі, композитор Шамсутдинова Майра Уәлиқызының 135 жылдығы (1890-1927);
Ақын, импровизатор Жүнісбек Жолдиновтың 130 жылдығы (1895-1983);
Ақын, әнші-композитор Иса Байзақовтың 125 жылдығы (1900-1946);
Өнер қайраткері, актер, режиссер, драматург, ҚазКСР еңбек сіңірген мәдениет қызметкері Шанин Атығай Құрманбайұлының 120 жылдығы (1905-1986);
Жазушы, өлкетанушы, журналист, философия ғылымдарының кандидаты, ҚазКСР Еңбек сіңірген мәдениет қызметкері Бекхожин Қайыржан Нұрғожаұлының 115 жылдығы (1910-1979);
Тарихшы, ғалым, тарих ғалымдарының докторы, профессор, КазКСР ғалым академиясының мүшесі Ермұхан Бекмахановтың 110 жылдығы (1915-1966);
Кинорежиссер, қазақ кино аудару өнерінің негізін қалаушылардың бірі, Қазақстанның Еңбек сіңірген мәдениет қайраткері Әбусейітов Қуат Әшірбекұлының 100 жылдығы (1925-2002);
Жазушы, қоғам қайраткері, журналист, Қазақстан Жазушылар одағының мүшесі Қалмұқан Исабаевтың 100 жылдығы (1925-2015)
Ғалым-филолог, әдебиеттанушы, профессор, филология ғылымдарының докторы Сәтбаева Шәмшиябану Қанышқызының 95 жылдығы (1930-2002);
Жазушы, филолог, журналист, Халықаралық «Алаш» әдеби сыйлығының, Қазақстан Республикасының Мемлекеттік сыйлығының иегері Тоқтаров Рамазан Айыпұлының 90 жылдығы (1935-2000);
Жазушы, балалар ақыны, радиожурналист Есентай Ерботиннің 85 жылдығы (1940-1992);
Жазушы, аудармашы, журналист, Қазақстан Жазушылар одағының мүшесі, ҚР Еңбек сіңірген қайраткері, Павлодар облысының Құрметті азаматы Жақсыбаев Ахат Имантайұлының 85 жылдығы (1940-2021);
Жыршы, абайтанушы Әсенов Даниал Сабырұлының 75 жылдығы (1950-2024).
Сонымен бірге 2025 жылы Н.Нұрмұхаммедов атындағы Павлодар облыстық көркемсурет музейінің ашылғанына – 60 жыл, Ж.Аймауытов атындағы Павлодар облыстық қазақ музыка-драма театрының ашылғанына 35 жыл толады.
Өнер, мәдениет, әдебиет өкілдерінен бөлек өзге де сала қайраткерлерінің мерейтойлары аталып өтпек.
Мерейтойлы жыл берекелі болсын!
