«Советтік саясатты» жырлаған әдеби шығармаларды сүзгіден әбден өткізетін уақыт болды-ау. Қызылдың құзғын идеологиясын арқау етуге мәжбүр болған баяғы шығармалар біздің бүгінгі ұрпаққа ешқандай рухани құндылық, тарих бола алмайтынын түсінетіндей болдық. Әр заманның өз сұрқылтайы бар, деген. Мүйізі қарағайдай мықтыларымыздың бәрі де сол империяны сөзге қосты, асқақтатты. Талап солай болған соң, амал нешік.
Енді біздің Формация өзгерді ғой мүлде. Сондықтан тәуелсіз ұрпаққа «советтік дүниелер» жат, жабайы, мүлде қажетсіз, ұқпайды да! Екшеу керек.
Бізде «Bilim-all.kz» деген сайт бар. Шәкірттер, ұстаздар көп жүгінеді. Осы сайтта Мұқағалидың мына өлеңі де жүр:
«Биылғы көктем…
Бәрінен ерек түр бөлек!
Биылғы көктем
Басталды биік мінбеден,
Шашылды шуақ Кремль тұрған іргеден,
Сөзінен ұғып, көзінен танып Ильичтің
Отанды көрдік,
Ұрпақты көрдік гүлдеген… «
Осының түкке де қажеті жоқ қой!
Осындай кейбір дүниелерді тиянақтап, екшеп, бір ретке келтіру қажет деп ойлаймын.
Асыл ӘБІШЕВ.
