Ж.Аймауытов атындағы Павлодар облыстық қазақ музыка-драма театры балалар мен ересектерге арналған «Джудит жасаған қиын таңдау» спектакль-шоуын көрермен назарына ұсынылмақ. Қазақстандағы алғашқы спектакль-шоу Грейс МакКлиннің «Самая прекрасная земля на свете» романының желісі бойынша сахналанбақ.
«Джудит жасаған қиын таңдау», бұл – отбасының барлық мүшелеріне ерекше көңіл күй сыйлайтын, көрермендерді ұмытылмастай әсерге бөлейтін, ғажайыптар мен ертегі әлеміне апаратын спектакль-шоу. Ересектер мен кішкентай бүлдіршіндерге арналған қойылымды сахналау – Жүсіпбек Аймауытов театры үшін алғашқы тәжірибе.
Спектакльдің динамикалық құрылымы арқылы қойылым авторлары әке мен баланың арасындағы мәселелерді қозғайды. Бала мен ата-ана арасындағы байланыс көпірінің құлдырауы сияқты өмірдегі маңыздылығы жоғары және мәні терең құбылыстар жайлы сыр шертеді. Мүмкін байланыстың үзілу себебі – адамдардың бір-бірін түсіне алмау немесе түсінгісі келмеу салдарынан орын алып жатқан болар?!
«Джудит жасаған қиын таңдау» қойылымы айналаға – балаға ересек адамның көзімен, ал ата-анасына баланың көзімен қарауға мүмкіндік береді. Кім біледі, бәлкім, сен де нағыз ғажайыпқа тап боларсың? Ал ғажайыптың орын алу ықтималдығы неғұрлым аз болса, соғұрлым әсері арта түспек.
Қойылым авторы: Сергей Левицкий
Режиссёр, қоюшы режиссёр, жарық және киім бойынша суретші: Сергей Левицкий
Пластика режиссёрі: Игорь Григурко (Ресей, Бурятия)
