Желтоқсан айы –
Қырандар канат жая алған.
Желтоқсан айы –
Санасы жұрттың оянған.
Желтоқсан айы –
Боздақтар қаны төгілген.
Желтоқсан айы –
Бодандық торы сөгілген.
Желтоқсан айы –
Намыстың оты жағылған.
Желтоқсан айы –
Әлемге елім танылған.
Желтоқсан айы –
Сағынып көптен ел тосқан.
Желтоқсан айы –
Аяғын жұртым тең басқан.
Желтоқсан айы –
Бабалар күткен азаттық.
Желтоқсан айы –
Тәуелсіздігі қазақтың.
Жұмкен СЕЙІТОВ,
айтыскер ақын, Баянауыл ауданының Құрметті азаматы.
