***
Ана тілің арың – бұл,
Ұятың боп тұр бетте.
Өзге тілдің бәрін біл,
Өз тіліңді құрметте.
***
Бір ауызға бір емес, бірнеше тіл сияды. Бірақ соған ана тілін сыйғыза алмасаң, қазақ болмай-ақ қой!
***
Қазақ тілінің ұлылығы сонда: Бұл тілде кейбір қазақтардың өздері де сөйлей алмайды.
***
Ана тіліңде сөйлемесең –құрып кет!
Ит болып үріп кет!
***
Өзге тілде сайрау қауіпті емес,
Өзге тілде ойлау қауіпті.
***
Ұлыңның тілін кессең де,
Ұлттың тілін кесе алмайсың.
***
Ел дегенде емірен,
Тіл дегенде тебірен!
Қадыр МЫРЗА ӘЛІ.
