Ана тілі –
Ананың құнар сүті ғой,
Ғұмыр бойы сен еметін.
Ана тілі –
Халқыңның ырыс-құты ғой,
Игілігіңе кенелетін.
***
Көптен қалмау – көкке самғау емес. Әсіресе, өнерде.
***
Талант – табиғаттан, талап – өзіңнен.
***
Түйірдей болса да – түйінді ойың болсын.
***
Ақиқатты тек ақылды көздермен ғана көруге болады.
***
Ерден ердің атықтығы – білігі, елден елдің артықтығы – бірлігі.
***
Кішілікке жараған – кісілікке де жарар.
***
Ынтымақ елдікке жеткізер, елдік ерлікке жеткізер.
***
Өтіріктің арбасы шындықтың көпірінен өте алмайды.
Мұзафар ӘЛІМБАЕВ.
