(Авторлық афоризмдер – 4)
2017 жылғы ақпандағы жазбалар:
Мен айтамын, сен тыңдама! Сен де айт!
***
Керілудің өзі керіле алатын адамға жарасатын кез.
***
Өтінем, мені жұмыстан шығармаңыздар! Өзім кетем…
***
Мəселе осыған дейін өзін кімге арнаған болса да айырмасы жоқ, ең бастысы қазір өзін маған толықтай арнауында.
***
Басымды айналдырып, миымды жерге түсірді.
***
Комедия – халықты келемеждеп, сол келемежбен өздерін күлдіруге арналған жанр.
***
Адам үшін ең жақсы мотивация – қоғамға керектілік сезімі.
***
Қазіргі тәрбиенің көп бөлігі ата-анадан емес.
***
Дұшпан ешқашан да әлсіз келмейді, бірақ кез келген жаудың әлсіз тұсын табуға болады.
***
Уақыт өз сөзіне өзгеше мағынамен қарауға мүмкіндік беретін құдіретке ие!
***
Ойдың тазалығы – атқарып жатқан ісіңнің тазалығынан байқалады.
***
Біреудің тамырын кесуден бұрын, өз тамырың кесіліп кетпесіне көз жеткіз.
***
Қараңғылық – адамды еңбек етуге итермелейтін күш.
***
Жаратушының бейнесін өзіңнің ең таза, ең көрікті кезіңнен ізде.
***
Рух – жеңіс кілті.
***
Түс пен өмір арасында шекара жоқ.
***
Бір көкем үйінде отырып, «Қой, үйіме барайын!»- депті.
***
Бесігіңдегі бала қадірлі, тек төріңдегі қонағыңды ұмытпа.
***
Болмаса орта бəрі һəм, өңдемес жақұт тасыңды.
***
Бір сағат қалған өміріңді «қалай өлем» деп жорығанша, бір минуттық болсын өмірге тыныс бер.
***
Өзімізге керек дүниемен емес, «керек болып қалады» деген дүниемен бас қатырамыз.
***
Адам жүзге келсе де ойын ойнауға деген құлшынысы кетпейді.
***
«Кедейміз» деп зарлаған жердің бір шетінен, екінші шетіне көштім пайдасы болмады.
***
Техника дамыған сайын, тәнге тән қасиеттер ұмытылады.
***
Әйел кісінің көңілін табу, шахмат ойнаумен тең.
(Жалғасы бар…)
